فيديو كليب اغنية احمد مكي الحاسة السابعة يوتيوب

فيديو كليب اغنية احمد مكي الحاسة السابعة يوتيوب

فيديو كليب اغنية احمد مكي الحاسة السابعة يوتيوب 2012

YouTube Preview Image

كلمات اغنية الحاسة السابعة احمد مكي من البومه الجديد اصله عربي

في يوم قاعد في كوفي شوب بشرب قهوة وسجارة

سرحت قفلت عيني زورت زكرياتي زيارة

سرحت في قد ايه الدنيا دي واطية وغدارة

وان حب الناس 90% منه تجارة

وده مش كل اللي افتكرته دي عصارة العصارة

اصل افتكرت فترة بعت فيها ودوقت خسارة

على رأي ست كبيرة في حتتنا الدنيا خيارة

اسمع مني الحدوتة دي وافهم معني العبارة

شاب زي كتير شباب

طريقة مكسر مش باينله فيه غير الضباب

الاكتئاب صايده وناهشه نهش ديابه وكلاب

قرب يتجنن ؟! ليه دايما النتيجة سوده هباب؟!

دا انا من صغر سني باسعى وباخد دايما بالاسباب

كل ماوصل لحاجة بتبعد زي السراب

تايه في دنيا سودا بيحكمها قانون الغابة

راس مالها فيها صحة وامي وشوية صحاب

حتى الصحاب من الاكتئاب اغلبهم ادمن

تحت التراب مكانهم الله يرحمهم واتقفل الباب

صعب جدا احساس انك تدي تدي ومتلاقيش

وتكمل الطريق من غير امل عليه تعيش

كل يوم زي اللي قبله شغله شكل ومبتمشيش

اشتغلت كل حاجة كان ناقصني اكون شاويش

لحد ما اشتغلت في نادي فيديو وعشقت السيما

تاريخي عربي اجنبي حديثة او قديمة

كل المطلوب انك تعرف تحكي حدوتة

من كان يا مكان ل كلمة حد توتة توتا

فكرة حكي الحدوتة في حد ذاتها جت شدتني

جراب تاريخ حياتي مليان خبرات فادتني

كل اللي شوفته في طفولتي وفي شارعي حتة مني

درست سيما قولت اعبر عنهم بس بفني

افلامي في المعهد كسبت في مصر وبره مصر

قولت الحمد لله اخيرا دوقت طعم النصر

وفعلا اول ما اتخرجت روحت اخرج اول فيلم ليا

اصغر مخرج في مصر وفي كل الدول العربية

الله دا شكل الدنيا بتضحك ليا

ودعت الميكروباص وجبت لنفسي العربية

رحت اشتركت جولز وسبت انا نادي الطالبية

ومن 3 اصحاب بقوا ستين سبعين و 100 اضرب في 100 واضرب كمان في 100

امنت للدنيا وسلمت وقولت مية مية

ونسيت ان الدنيا دار ابتلاء ودي بلية

خدت الخازوق الصح وخوازيق الدنيا مغرية

نزل فيلمي فشل محدش شافه اخدت صدمة

ادتني الدنيا ضهرها وشلوت وبوكس ولطمة

مولد واتفض

محدش جوا قلبه رحمة

مش ممكن تعرف مين صاحبك بجد الا في المحنة

رجعت حياتي اسوأ من الاول بعت العربية

والميكروباص اجرته زادت شوية

بمرور الوقت فلوسي طارت طارت

وبقيت مديون

مبقتش عارف ايه تصنيفي عاقل او مجنون

وفي يوم تعبت سهلت عرقت في السرير نمت

قالي الدكتور اوعاك يا ابني تزعل قولت ازعلت

مانا اصلي وقعت في كدابين الزفة ومنهم اتعلمت

في ناس تحبك وانت عالي بس تسيبك لو وقعت

اتأثر الدكتور ساب الشنطة ومسح عنيه

بص في عنيا تايه مش عارف هيرد بأيه

طبطب عليا وقالي في مثل قالوه زمان

صاحبك بجد اللي يفديك بنفسه في الطوفان

مش هو بتاع القعدة الحلوة الضحكة والدخان

ضرب جرس بابي فتحت لقيت صحاب زمان

صحاب اصيله جم يزوروا اخوهم العيان

الله لما تحس ان حد هامه امرك

يحبك من قلبه بجد مش مصلحته هبرك

مش بيضحكلك وهو بيحفرلك في قبرك

مش مهم كتر المعارف صاحب واحد اصلي ابرك

صحابي وقفوا جنبي طلعوني من اللي ظلمك

الضربة الجامده لو مموتش منها تبقى اجمد



تابعنا على المواقع الاجتماعية ليصلك آخر الاخبار

لا تعليق

أكتب تعليقاً على هذا الموضوع !

أضف تعليقاً

لن يتم نشر عنوان بريدك الإلكتروني.


7 × = 42